1 Star2 Stars3 Stars4 Stars5 Stars (No Ratings Yet)
Загрузка...
163 views

Васильев Николай Федотович

Васильев Николай Федотович

1928-

Дьүлэй нэһилиэгэр 1928 с. Саабыйаан Чараҥар сэниэ ыалга төрөөбүт. Ийэтэ Анна Ильинична, аҕата Федот Севастьянович колхоз туруу үлэһиттэрэ эбит. Бииргэ төрөөбүт төрдүөлэр: икки балтылаах, биир бырааттаах эбит. Оскуолаҕа 9 саастааҕар киирбит. Бастаан Чурапчы Килэҥкитигэр, онтон Дэбдиргэҕэ үөрэнэн, 3 кылааһы, онтон Туора-Күөлгэ оскуола аһыллан, 4 кылааһы бүтэрбит. Аҕата Өймөкөөҥҥө «Дальстройга» ат үүрүүтүгэр барбыт, онтон төннөн иһэн, аара ыалдьан өлбүт. Итинтэн ыла интернакка олорон үөрэммит.

Сэрии буолан, кыанар эдэр дьону аармыйаҕа ылбыттар. Нэһилиэккэ кырдьаҕастар, оҕолор хааланнар, сарсыарда эрдэттэн киэһэ хойукка диэри үлэлээбиттэр. Сайынын от охсуутугар, саһаан бэлэмигэр үлэлээбит.

1950 с. Чурапчы педучилищетын бүтэрэн, Абыйга ананан үлэлии барбыт. Үс сыл үлэлээн баран, дойдутугар төннүбүт да, учуутал миэстэтэ суох буолан, Өлүөхүмэҕэ баран, 6 сыл учууталлаабыт. 1959 с. Туора-Күөл 4 кылаастаах оскуолатыгар кэлэн, нуучча тылын учууталынан, оскуола сэбиэдиссэйинэн үлэлээбит. 1961-1962 үөрэх сылыгар 5 кылаас аһыллыбыт. Онтон ыла сыл аайы кылаастар эбиллэн испиттэр. Ити курдук, 1959-1981 сылларга Туора-Күөлгэ учууталынан, сэбиэдиссэйинэн үтүө субастаахтых үлэлээбит. Үөрэппит оҕолоро араас идэлэри баһылаан, республика улуустарыгар ситиһиилээхтик үлэлии сылдьаллар.

Уус-Алдантан төрүттээх кэргэнинээн Сивцева Анна Филипповналыын аҕыс оҕолоохтор. 50 сыл бииргэ олороннор, «Дьиэ кэргэн килбиэнэ» анал бэлиэнэн наҕараадаламмыттара. Элбэх сиэннээх, хос сиэннээх эһээ, эбээ буолаллар.

Наҕараадалара: «1941-1945 сс. Аҕа дойду Улуу сэриитигэр килбиэннээх үлэтин иһин», «Үлэ бэтэрээнэ», «Сэбиэскэй Сойуус Маршала Жуков», Улуу Кыайыы 50,60,65,70 сс. мэтээллэр, «СР үөрэхтээһин систематын бочуоттаах бэтэрээнэ» бэлиэ хаһаайына.