1 Star2 Stars3 Stars4 Stars5 Stars (No Ratings Yet)
Загрузка...
164 views

Туйаарыма

Ханна эрэ, хаһан эрэ
Самаан сайын үгэнигэр
Хатыҥ чараҥ сипсийэрэ,
Сылаас салгын илгийэрэ.

Онно ыраах сайылыктан
Саһарҕалыы сандаарыйан,
Санаам курдук унаарыйан,
Сахам кыыһа иһэр этэ.

Уһун суһуох субуллара,
Долгун буолан бураллара,
Туналҕаннаах ньуурдаах кэрэ
Туйаарыма курдук этэ.

Илэ чахчы бэйэтинэн
Номох курдук дьиктилээҕэ,
Илгэ күөххэ иэйиилэнэн,
Имин хаана кэйбит этэ.

Хаһан уонна ханна буолтун
Хантан чопчу билиэм баарай?
Алгыс курдук олох туһун
Өйдөөбүтүм кэлин арай.

Төлкөм оннук буолуохтааҕын
Түүлбэр эрэ битим билбит —
Таптыыр күндү аналлааҕым,
Туйаарыма — бу эн эбит!

Николай Харитонов — Чуор, поэт, литератураны ырытааччы.

Добавить комментарий

Ваш адрес email не будет опубликован. Обязательные поля помечены *