1 Star2 Stars3 Stars4 Stars5 Stars (No Ratings Yet)
Загрузка...
169 views

«Амарах сүрэхтээх аҕабыт»

🌿🌺🌿🌺🌿🌺🌿🌺🌿🌺🌿🌺🌿🌺🌿🌺🌿
Бүгүн от ыйын 9 күнүгэр, самаан сайыммыт силигилээн турар кэмигэр, дьикти-мааны алааспытыгар «Кэрэхтээххэ» кэрэ бэлиэ күн буолан ааста. Педагогическай үлэ бэтэрээнэ, ССРС географическай уопсастыбатын чилиэнэ, социалистическай куоталаһыы кыайыылааҕа, РСФСР норуотун үөрэҕириитин туйгуна, «Дьүлэй нэһилиэгин сайдыытыгар кылаатын иһин», «Сэрии сылын оҕото» бэлиэлэр хаһаайыннара, убаастыыр учууталбыт Гаврил Илларионович Васильев сырдык кэриэһигэр анаммыт «Амарах сүрэхтээх аҕабыт» истиҥ-иһирэх тылынан суруллубут ахтыы кинигэ биһирэмэ буолла. Кинигэ Дьоккуускай куоракка » Дани-Алмас» хампаанньаҕа бэчээттэнэн таҕыста, 116 страницаттан турар элбэх хаартыскалардаах, QR-кодунан видеолардаах. Кинигэҕэ тапталлаах кэргэн, аҕа, эһээ, учуутал, үтүө киһи Гаврил Илларионович Васильев олоҕун, үлэтин туһунан чугас дьонун, үөлээннээхтэрин ахтыылара киирдилэр. Хомуйан оҥордулар: В.А. Васильева, Т.К. Васильева, В.Д.Павлова, Г.Г. Скрябина.
От-мас көҕөрөн, сибэкки чэлгийэ үүнэн турар кэмигэр ыраахтан-чугастан ыҥырыылаах ыалдьыттар, халыҥ аймах мустан бэрт истиҥ ахтыһыы күнэ үүннэ. Күммүт туран биэрэн, халлааммыт кытары кэрэ дьикти көстүүнү көрдөрөн, күн дьиэлэнэн, икки хос кустук көстөн бэрт наҕыллык үтүө киһибитин ахтан-санаан ыллыбыт. Кэлбит ыалдьыттар кинигэни ырытан, махтал тыллары этэн, ыллаан-туойан, оонньоон-көрүлээн, эмтээх күөлбүтүгэр сөтүөлээн, минньигэстик аһаан тарҕастыбыт. Үтүө киһи сырдык аата үйэтитиллэн, сурукка тиһиллэн дьоҥҥо-норуокка холобур буолар кинигэ күн сирин көрдө.
Кинигэ элбэх ааҕааччылаах буоллун, өссө да маннык үлэлэр сүрэхтэнэ турдуннар. Суруллубут суоруллубат!

Добавить комментарий

Ваш адрес email не будет опубликован. Обязательные поля помечены *