Улуу байҕал курдук Киэҥ билиини биэрбит, Көҥүл күүстээх өйү Эттээх хааммар иҥэрбит Күндү учууталбар Олорор олоҕум тухары Төлөммөт иэстээхпин. Эн миигин уһуйбут Ордук уус тылларгын Оройдоох бэйэм оройдотон, Айар хоһооннорбун Кырааскалаан биэртим. Ол иһин Эйиэхэ Үрдүктэн үрдүк Барҕа махтал буолуохтун. Үүнэр үйэ ыччаттарыгар Алгыс тылларынан Өссө даҕаны тиэрдэ тур.

Эриэккэс да дойдуну Эн биһиэхэ арыйбытыҥ, Кистэлэҥнээх кэрэ сири Алҕааҥҥын анаабытыҥ. Ол дойдуга суохтара Курус санаа, бороҥ күн. Аптаах дьикти чуорааннара Лыҥкыныыллар өрүүтүн. Кэнэн, муҥкук санааны Үргүтэн үүрэллэрэ. Үтүө ыраас ырыаны Толорон үөрдэллэрэ.

Мин көрүүбэр эн хараххар- Дойдум тыына, таптал тырыма. Мичээр иҥмит сылаас сүрэххэр- Дьонуҥ биэрбит дьолун кыыма. Эгэлгэ дьикти иэйии эн дууһаҕын Элэҥнээн ааһар үйэлэртэн арчылыыр. Олоҕуҥ аргыһа буолан тулаҕын Олоҥхо дойдута куруук арыаллыыр. Эйиигиттэн тэтим ылан салҕанар, Эҥээрийэр эһиэкэй кэскилэ түстэнэн, Этигэн хомустуу дьүрүһүйэ тарҕанар, Эдэр саас эрчимэ сүрэхтэнэн. Уоскулаҥы билбэтэх олоҕуҥ түбүгэ, Уостубут норуотуҥ… Читать далее »