1 Star2 Stars3 Stars4 Stars5 Stars (No Ratings Yet)
Загрузка...
317 views

«Төрөөбүт дойдум барахсан» улуустааҕы хоһоон айан суруйуу күрэһин түмүгэ

Туора-Күөллээҕи «Сайдам» норуот айымньытын дьиэтин уонна Туора-Күөллээҕи модельнай библиотека иһинэн ыытыллыбыт «Төрөөбүт дойдум барахсан» улуустааҕы хоһоон айан суруйууга, куйаар ситиминэн күөн күрэс ыытылынна.

Кыттааччылар бары да ураты, умсугутуулаах,  хомоҕой хоһооннорунан кытыннылар. Күрэс сүрүн сыалынан-соругунан сахалыы уус-уран суруйууну көҕүлээһин, хоһоон суруйар дьоҕурдаах дьоммутун түмүү уонна саҥа ааттары көрдөөһүн буолар. Ирдэбил быһыытынан 5-8, 9-11 кылаас үөрэнээччилэрэ уонна улахан дьон кыттыыны ыллылар.

Кыттааччылар хоһооннорун саха тылын анал үөрэхтээхтэрэ сыаналаатылар. Дьүүллүүр сүбэҕэ үлэлээтилэр: Биир дойдулаахпыт Оросина Надежда Анатольевна -Гуманитарнай чинчийии уонна аҕыйах ахсааннаах хотугу омуктар кыһалҕаларын институтун научнай сотруднига. Федорова Галина Григорьевна — СР үөрэҕириитин туйгуна, өр сыл саха тылын учууталынан үлэлээбит. Хаптагаева Мария Николаевна — нэһилиэк библиотекара.

Күрэс түмүгүнэн кыайыылаахтар ааттара:

Оҕолорго:

I  Үрдэл — Турлукова Айыына, И.Н. Гуляев аатынан Туора-Күөл орто оскуолатын 7 кылааһын үөрэнээччитэ;

II Үрдэл — Васильева Люба, И.Н. Гуляев аатынан Туора-Күөл орто оскуолатын 10 кылааһын үөрэнээччитэ;

III Үрдэл — Кузьмина Нарина, И.Н. Гуляев аатынан Туора-Күөл орто оскуолатын 7 кылааһын үөрэнээччитэ.

Улахан дьон:

I  Үрдэл — Аянитова Клавдия Николаевна;

II Үрдэл — Ефимова Любовь Васильевна;

III Үрдэл — Аммосова Евдокия Дмитрьевна — Дьэбдьэкиэйэ, Аянитова Вера Ивановна.

Ону таһынан анал ааттар ананнылар:

«Көмүс бөрүө» анал аат — Васильева Татьяна Кононовнаҕа,

«Умсугутуулаах айааччы» анал аат — Постникова Рита Дмитрьевнаҕа,

«Хомуһуннаах айааччы» анал аат — Васильева Луиза Егоровнаҕа.

Күрэс кыттыылаахтарыгар көхтөөх кыттыыгыт иһин махтанабыт! Айар аартыккыт арыллан истин, суруйар дьоҕургут сыппаабатыҥ!

 

Добавить комментарий

Ваш адрес email не будет опубликован. Обязательные поля помечены *